Հյուսիսային Համալսարանը 11 տարեկան է 10.2.2008 Հյուսիսային Համալսարանը, որը արդեն 11 տարեկան է, Հայաստանի կրթական համակարգում իր ուրույն տեղն ունի: Նախորդ տարի մեծ հանդիսավորությամբ նշվեց համալսարանի հիմնադրման 10-ամյակը: Այդ օրն էլ հենց Հյուսիսային Համալսարանը ստացավ իր կենսագրության մեջ ամենանվիրական ու թանկ նվերը՝ մեդալ եւ 6 պատվոգիր կրթության-գիտության նախարարության կողմից: Սինքրոն – Լեւոն Մկրտչյան /ՀՀ կրթության եւ գիտության նախարար/ - Խոսում է Հյուսիսային Համալսարանի՝ շոգեքարշ լինելու մասին:Հյուսիսային Համալսարանը այն ուսումնական բարձրագույն հաստատություններից է, որը Հայաստանում արդեն ունի իր ուրույն ձեռագիրը, ունի իր անցած ճանապարհը եւ ի վիճակի է իր շուրջը համախմբել համակիր զանգված: Համակիր՝ ինչպես մարդկանց առումով, այնպես էլ ինստիտուցիոնալ: Կարդալ ավելին

Համալսարանում գործում են մշակութային, երգի-պարի, գրական, սպորտային ակումբներ եւ խմբակներ: Հյուսիսային համալսարան երկշաբաթաթերթը պարբերաբար անդրադառնում է ինչպես համալսարանի, այնպես էլ հանրապետության բուհական կյանքի բազմաթիվ խնդիրներին: Նրանում տպագրվում են ուսանողների հոդվածները, տեսակետները, բանաստեղծություններն ու պատմվածքները:

Համալսարանի ժուռնալիստիկայի ֆակուլտետը հրատարակում է Ուսումնասեր ուսումնական պարբերականը, որտեղ հիմնականում տպագրվում են ֆակուլտետի ուսանողների ստեղծագործական եւ ուսումնահետազոտական աշխատանքները: Համալսարանն ապրում է բուռն կյանքով եւ արժանի տեղ է զբաղեցնում հանրապետության առաջատար հավատարմագրված բուհերի շարքում: Համալսարանի Իրավագիտություն՚ մասնագիտությամբ 2001-2002 թ. ուս. տարվա շրջանավարտները հավատարմագրման գործընթացի ամփոփիչ ատեստավորման պետական քննությունների ընթացքում ցուցաբերեցին աննախադեպ բարձր արդյունք` 100% առաջադիմություն եւ 89% որակական առաջադիմություն :

Համալսարանի բազմաթիվ շրջանավարտներ եւ հեռակա ուսուցման դեպարտամենտի ուսանողներ հաջողությամբ աշխատում են պետական մարմիններում եւ բյուջետային հիմնարկներում` զբաղեցնելով պատասխանատու պաշտոններ: