Ալավերդու Թումանյան մասնաճյուղ
Հյուսիսային համալսարանի Ալավերդու ՙԹումանյան՚ մասնաճյուղը հիմնադրվել է 1996թ.: 12 տարվա գործունեության ընթացքին լուծվել են կադրային, շենքային, տեխնիկական, ֆինանսական խնդիրները, հստակեցվել են ուսումնական պլանները, առարկայական ծրագրերը: Մասնաճյուղում սովորում են մոտ 250 ուսանող հանրապետության տարբեր բնակավայրերից, Վրաստանի հայաբնակ գյուղերից, Ջավախքից: Ալավերդու մասնաճյուղի շրջանավարտներն աշխատում են հանրապետության տարբեր հիմնարկներում ու ձեռնարկություններում: Մասնաճյուղում գործում են հետևյալ ֆակուլտետները.
- Իրավաբանական
- Տնտեսագիտություն և կառավարում
- Մանկավարժություն և մեթոդիկա
- Ինֆորմատիկա և հաշվողական տեխնիկա
Բժշկական քոլեջ
1997-ից Ալավերդու ՙԹումանյան՚ մասնաճյուղի կազմում գործում է նաև բժշկական քոլեջ, որի քույրական և ատամնատեխնիկական ֆակուլտետներում սովորում են մոտ 60 ուսանող: Մեր ուսանողները պրակտիկան անցնում են Ալավերդու հիվանդանոցում, պոլիկլինիկայում:
Այսօր հանգիստ խղճով կարող ենք արձանագրել, որ Հյուսիսային համալսարանի ՙԹումանյան՚ մասնաճյուղը կայացել է` այն հաջողությամբ բարձրագույն եւ միջին մասնագիտական կրթության կադրեր է պատրաստում Ալավերդու եւ տարածաշրջանի համար: Մասնաճյուղն աստիճանաբար վերածվում է Լոռու մարզում կրթական, մշակութային, գիտական կենտրոնի, որը թևակոխել է զարգացման նոր փուլ: