Հոգեբանության ֆակուլտետ
Հոգեբանության ֆակուլտետը բուհի երիտասարդ ֆակուլտետներից է, ստեղծվել է 2006 թ.:
Մարդ, միջավայր, փոխհարաբերություններ.... Այս ամենը եւ ոչ միայն, թերեւս կարեւորագույն խնդիրներ են եղել մարդկության պատմության ընթացքին: Դրանց քննարկումը մինչեւ այժմ էլ հետաքրքրում է մարդկանց:
Այդ հարցերի մասին խորհել են շատ գիտնականներ, փիլիսոփաներ, եւ առաջ են քաշվել մի քանի տեսակետ: Ժամանակակից գիտությունների համակարգում առաջնային տեղ է հատկացվում այսօր արդեն այդքան մեծ պահանջ ունեցող մասնագիտություններից մեկին` հոգեբանությանը:
Բացառություն չէ նաեւ Հյուսիսային համալսարանը, որտեղ, քայլելով այժմեական պահանջներին համընթաց, բացվել է հոգեբանության ֆակուլտետ:
Թեպետ բաժինը բավական երիտասարդ է, այնուամենայնիվ, տեսանելի է այդ ֆակուլտետի ուսանողների ձգտումը, ակնառու է նրանց առաջադիմությունը: Երեք տարվա ընթացքին ձեռք են բերվել պրակտիկ հոգեբանական գիտելիքներ` գործակցելով ՙԱյգ՚ եւ ՙՏաթեւ՚ հոգեբանական խորհրդատվության, աջակցության կենտրոնների հետ:
Բուհում ուսանողների եւ դասախոսների ակտիվ միջամտությամբ կազմակերպվել են հոգեբանական թրեյնինգներ ակտուալ թեմաների վերաբերյալ: Ուսանողներն աշխատելով կուրսային թեզերի վրա` հաճախում են հատուկ դպրոցներ, մանկատներ եւ իրենց տեսական գիտելիքները հիմնավորում պրակտիկ գործունեությամբ:
Դասախոսների 80% գիտությունների թեկնածուներ եւ դոկտորներ են:
Մանկավարժության և հոգեբանության ամբիոնը ղեկավարում է մանկավարժական գիտությունների թեկնածու, դոցենտ Բաբկեն Թադևոսի Վարդանյանը: