Ս.թ. ապրիլի 16-ին մամուլի ազգային կենտրոնում տեղի ունեցավ հայ և ռուս բարձրագույն ուսումնական կառույցների փորձագետների հանդիպումը, որի ժամանակ քննարկվեցին հարցեր՝ Հայաստանի Հանրապետության՝ ԵԱՏՄ-ին անդամակցելու արդյունքների և հետևանքների վերաբերյալ:
Հանդիպմանը մասնակցում էին Գ.Վ. Պլեխանովի անվան Ռուսաստանի տնտեսագիտական համալսարանի դոցենտներ Ա. Գրիգորյանը, Գ. Գրիգորյանը, Հյուսիային համալսարանի պրոֆեսոր Ա. Ճուղույանը և դասախոս Հ. Հանիսյանը:
Ա. Գրիգորյանը նշեց.<<Չնայած այն հանգամանքին, որ տնտեսական ճգնաժամ է, Հայաստանի Հանրապետությունը դեռևս ունի չօգտագործված լուրջ հնարավորություններ՝ անդամակցելով մեծ Եվրասիական շուկային>>: Հ. Հանիսյանը հավելեց, որ առաջին հերթին կարևոր է ուժեղացնել զոսաշրջանային բիզնեսը, հատկապես որ տնտեսության այդ ճյուղը իրական խթան է ստացել՝ անցած տարի հանվել են պատնեշները ՌԴ քաղաքացիների համար, և նրանք ստացել են ներքին ազգային անձնագրերով ՀՀ սահմանը հատելու իրավունք:
