logo-en

  NORTHERN UNIVERSITY

hog1       hog2

 

Հոգեբանության ֆակուլտետի ուսանողուհիները՝ Էմման, Նոնան և Մերին, աշխատում են արցախցի երեխաների հետ:  Առաջին հանդիպման ջերմ, անմիջական միջավայրը, որը ստեղծվեց մեր ուսանողուհիների շնորհիվ, հնարավորություն տվեց թոթափել ռազմական գործողությունների հետևանքով Հայաստան տեղափոխված փոքրիկների լարվածությունն ու վախերը:  Հատուկ խաղերը և նկարչությունը, որոնք ընտրվել էին որպես հոգեբանական ներգործության միջոց, բարերար ազդեցություն ունեցան փոքրիկների վրա: «Երեխաներն աստիճանաբար ներգրավվեցին խաղի մեջ, սկսեցին աշխուժորեն շփվել մեզ հետ, այնուհետև անցան նկարելուն: Կարճ ժամանակ անց տիրում էր այնպիսի զվարթ մթնոլորտ, որ նույնիսկ մենք մոռացանք, որ պատերազմ է: Թերևս այս հանդիպումը օգտակար էր երկուստեք»,- պատմում է Նոնա:

Նշենք, որ հոգեբանության ֆակուլտետի չորրորդ կուրսի ուսանողները ռազմական գործողություններին հաջորդած օրերին կազմել են աշխատանքային ծրագիր՝ Արցախից Հայաստան տեղափոխված ընտանիքների տարբեր տարիքի երեխաներին և ծնողներին հոգեբանական ծառայություններ մատուցելու նպատակով:  Հատուկ աշխատանքային ծրագիրը  կազմած է այն ընտանիքների համար, որոնց անդամները մասնակցել են պատերազմին, կամ որոնք ապրում են այն շրջանում, որտեղ պատերազմական գործողություններ են ընթացել և ընթանում։

Ավելի շատ մասնակիցներ ներգրավելու համար բուհի պաշտոնական կայքէջում զետեղվել է հայտարարություն, ինչպես նաև կապ է հաստատվել Հայաստան տեղափոխված արցախցիների խնդիրներով զբաղվող կենտրոնի հետ:  Համալսարանի կողմից արցախցի մեր հայրենակիցներին տրամադրվող հոգեբանական ծառայությունները կունենան շարունակական բնույթ՝ ընդգրկելով ինչպես տարբեր տարիքի երեխաներին, այնպես էլ նրանց ծնողներին: Հոգեբանության ֆակուլտետի ուսանողուհիները՝ դասախոս Մարինե Մամիկոնյանի գլխավորությամբ, պատրաստ են իրենց ուժերի ներածին չափով նպաստել արցախցի մեր հայրենակիցների հոգեկան ներդաշնակության ու խաղաղության վերականգնմանը: Իսկ բուհի ղեկավարությունը դրա համար ներդնում է անհրաժեշտ բոլոր միջոցները:

Լրատվության և հասարակայնության հետ կապերի բաժին

bujognutyun

 

Հյուսիսային համալսարանում հոկտեմբերի 14-ին անցկացվեց առաջին բուժօգնության սեմինար՝ ուսանողների և դասախոսական կազմի մասնակցությամբ: Ինչպիսի՞ն պետք է լինի առաջին օգնությունը վնասվածքների, հրազենային վիրավորումների, արնահոսության  ժամանակ՝ մարդու կյանքը փրկելու և հետագա բարդությունները կանխելու նպատակով: Այս ամենին հանգամանալից կերպով անդրադարձավ համալսարանի բժշկական քոլեջի թերապիայի, վիրաբուժության և քույրական գործի դասախոսը՝ նշելով, թե որքան կարևոր է հատկապես ռազմական գործողությունների ժամանակ վիրավորներին ցուցաբերած գրագետ օգնությունը՝ նախքան  բժշկական օգնության տեղ հասնելը: Խոսվեց նաև արնահոսության, վնասվածքների ու ջարդվածքների տեսակների, դրանցից յուրաքանչյուրի ժամանակ ցուցաբերվող օգնության, ճիշտ վիրակապելու մասին: Եվ քանի որ հաճախ առաջին ճիշտ օգնության ցուցաբերումով է պայմանավորվում հետագա բուժօգնության հաջողությունը, ուստի այս դասընթացին ձեռք բերած գիտելիքները չափազանց օգտակար են հատկապես մեր երկրի սահմաններում ընթացող ռազմական գործողությունների  ժամանակ: Նշենք նաև, որ դասընթացը տեղի ունեցավ համալսարանի՝ քաղպաշտպանության համար նախատեսված նկուղային հարկում, որը ռազմական գործողությունները վերսկսվելուն պես համալրվել էր առաջին անհրաժեշտության պարագաներով և  հարկ լինելու դեպքում կտրամադրվի ինչպես բուհի ուսանողությանն ու աշխատակիցներին, այնպես էլ հարակից շենքերի բնակիչներին:

 

       Լրատվության և հասարակայնության հետ կապերի բաժին

Hellenic Mediterranean University is organizing  a conference on „5G Communications”

on October 15, 2020.

One of the contributors of the conference is Northern University.

This webinar is aligned with the educational actions of the Strategic Partnership Project ‘Critical Skills for Electronic Engineers of 2020’ – CRETE project (https://crete2020.chania.teicrete.gr/) and envisions to provide an Introduction to the public of this technology. Also it is an event registered within the Erasmus Days 2020 actions.

To find more about this webinar and register, please follow the link: https://www.athenaeuropeanuniversity.eu/webinar-in-5g-communications-an-introduction-to-the-public/

 The working language of the conference is English.

Հայտարարություններ

Ամբիոնների վարիչների թափուր հաստիքներ

23.10.2020
Ամբիոնների վարիչների թափուր հաստիքներ

  Հյուսիսային համալսարանը հայտարարում է մրցույթ հետևյալ ամբիոնների վա...

Աշխատանքի հրավեր

20.10.2020
Աշխատանքի հրավեր

Հարգելի ուսանողներ, <<Մոսկվայի տուն>> մշակութային-գործարար կենտրոնը...

Main News