logo-en

  NORTHERN UNIVERSITY

bazmalezu gitajoxov

Բազմալեզու հաղորդակցությունը դարձել է ժամանակակից աշխարհի կարևորագույն բաղադրիչներից մեկը: Այդ մարտահրավերին պատրաստ լինելու համար անհրաժեշտ է կրթել լեզուների լավ իմացությամբ սերունդ: Հյուսիսային համալսարանի, Եվրամիության և Եվրոպայի խորհրդի ժամանակակից լեզուների եվրոպական կենտրոնի կողմից կազմակերպված՝ «Աջակցություն բազմալեզու լսարանին» երկօրյա բանաժողովը շարունակությունն էր դեռ 2020 թ. մեկնարկած նախագծի, երբ մեր երկրի համար ծանր ժամանակահատվածում էլ ավելի ընդգծվեց աշխարհին ինտեգրվելու և մարտահրավերներին դիմակայելու անհրաժեշտությունը։ «Պատերազմի և համավարակի օրերին բանաժողով կազմակերպելու համար մեծ ջանքեր պահանջվեցին, բայց իրավունք չունեինք տուրք տալու ժամանակի տրամադրություններին՝ գիտակցելով նախաձեռնության կարևորությունը», – նշում է Հյուսիսային համալսարանի ուսումնահետազոտական և միջազգայնացման գծով պրոռեկտոր, պրոֆեսոր Լուսինե Ֆլջյանը :
Հայաստանյան մի շարք կրթական հաստատությունների դասախոսների և ուսուցիչների համար կազմակերպված բանաժողով – վերապատրաստումն անցկացնում էին Եվրոպայի խորհրդի ժամանակակից լեզուների եվրոպական կենտրոնի փորձագետներ Կատերին Կար Կարլիները և Կատյա Շնիտցերը, ովքեր տպավորված էին Հյուսիսային համալսարանի ջերմ ընդունելությամբ, սրտաբաց հյուրընկալությամբ և մասնակիցների հետ հետաքրքիր շփումներով։
Ի դեպ, փորձագետներին զարմացրել էր մեր մանկավարժների՝ իրենց հանգստյան օրը սեմինարին տրամադրելու պատրաստակամությունը։
Կենտրոն TV-ի անդրադարձը ՝ հղում
Լրատվության և հասարակայնության հետ կապերի ուսումնապրակտիկ կենտրոն

gitakan akademiya

Հյուսիսային համալսարանի ռեկտոր Ռայա Ջանինյանի և ՀՀ ԳԱԱ հիմնարար գիտական գրադարանի տնօրեն Մայա Գրիգորյանի միջև կնքված հուշագիրը կդառնա համագործակցության և փոխշահավետ գործընկերության նոր կամուրջ մեր բուհի և ՀՀ Գիտությունների ազգային ակադեմիայի միջև:
Հուշագրի շրջանակն ընդգրկուն է.
🔗երկկողմանի հետաքրքրություն ներկայացնող գիտակրթական բնույթի ծրագրերի իրականացում
🔗գիտաժողովների, սեմինարների և կլոր սեղանների կազմակերպում
🔗գիտական, մասնագիտական գրականության, մեթոդական ձեռնարկների, աշխատությունների, պարբերականների և այլ նյութերի փոխանակում
🔗գրադարանային հավաքածուների երկկողմանի հասանելիություն
🔗երկկողմանի հետաքրքրություն ներկայացնող կազմակերպչական, գիտագործնական, մասնագիտական բազմաբնույթ համագործակցություն
🔗 հեղինակների հետ հանդիպումների կազմակերպում:
Հյուսիսային համալսարանի ռեկտոր Ռայա Ջանինյանը բարձր գնահատեց համագործակցությունը Հայաստանի Հանրապետության գիտակրթական կարևորագույն կառույցներից մեկի հետ՝ հույս հայտնելով, որ գործնական քայլերի շնորհիվ հետզհետե կընդլայնվի փոխգործակցության շրջանակը:
ՀՀ ԳԱԱ հիմնարար գիտական գրադարանի տնօրեն Մայա Գրիգորյանը և գիտական քարտուղար Նելլի Հայրապետյանը ծանոթացան նաև բուհի գրադարանին՝ պատրաստակամություն հայտնելով պարբերաբար իրականացնել գրքերի փոխանակում:
Մեր գործընկերների համար հաճելի բացահայտում էր Հյուսիսային համալսարանում տիրող ընտանեկան մթնոլորտն ու ջերմությունը, որի շնորհիվ, ի դեպ, գործընկերները ևս հետզհետե դառնում են բարեկամ ու հարազատ:
Լրատվության և հասարակայնության հետ կապերի ուսումնապրակտիկ կենտրոն

HAVATARMAGRUM

Նոյեմբերի 15–ին ՈԱԱԿ հավատարմագրման հանձնաժողովը քննարկեց Երևանի «Հյուսիսային» համալսարանի  ինստիտուցիոնալ կարողությունների վերաբերյալ ինքնավերլուծությունը և փորձագիտական զեկույցը, դիտարկեց բավարար և անբավարար գնահատված տիրույթները, փորձագետների մատնանշած ուժեղ և թույլ կողմերը, հնարավոր ռիսկերը։ Քննարկվեց նաև, թե որքանով է իրատեսական ուսումնական հաստատության բարելավման ծրագիրը։
Հավատարմագրման հանձնաժողովի որոշմամբ՝ Երևանի «Հյուսիսային» համալսարանին շնորհվեց ինստիտուցիոնալ հավատարմագրում ՝ 4 տարի ժամկետով։

Հյուսիսային համալսարանը, իր առաքելությանը հավատարիմ, կշարունակի որակյալ կադրեր պատրաստել։
Շնորհակալություն ՈԱԱԿ Հավատարմագրման հանձնաժողովին՝ վստահության և պարտավորեցնող որոշման համար։
Լրատվության և հասարակայնության հետ կապերի ուսումնապրակտիկ կենտրոն

Main News

Հայտարարություններ

Ուշադրություն!!

15.05.2024
Ուշադրություն!!

Ուշադրություն!! Հյուսիսային համալսարանի և Իսպանիայի Սևիլիայի համալսարանի միջև Է...

Հյուսիսային համալսարանը նոր դռներ է բացում

02.02.2024
Հյուսիսային համալսարանը նոր դռներ է բացում

Հյուսիսային համալսարանի և Իսպանիայի Սևիլիայի համալսարանի միջև Էրազմուս+ համագոր...