| Հասցե՝ |
| ՀՀ. ք. Երևան 0070, Ալեք Մանուկյան 15ա |
| Հեռ. (+37410) 554052, 573317, 552139 |
| E-mail info@northern.am |
- Գլխավոր
- Նորություններ
Հայաստանում ներառական, թվային և կանաչ ուղղվածությամբ բարձրագույն կրթության պատշաճ կառավարմանը և որակի ապահովմանը միտված ԳԱՑԱՇ-ի ստեղծման նպատակով հերթական աշխատաժողովը տեղի ունեցավ ծրագրի համակարգող Երևանի պետական համալսարանում:
«Էրազմուս +» նախագիծն այս անգամ ևս մեկ գաղափարի շուրջ համախմբել էր Հայաստանի մի շարք գիտակրթական հաստատությունների, որոնց ներկայացուցիչների համատեղ աշխատանքն ուղղված էր Հայաստանում գործունեության առանցքային ցուցանիշների ազգային շրջանակի կառուցվածքային նախագծի ստեղծմանը:
Ինստիտուցիոնալ հետազոտությունների իրականացման, դրանց արդյունքների գործնական կիրառության, բուհի ռազմավարական պլանավորման, բարձրագույն կրթական հաստատությունների վարչական և պրոֆեսորադասախոսական կազմում շոշափելի և տեսանելի որակական փոփոխությունների իրականացման, բուհի առաքելության, հասարակական պատասխանատվության, կրթական չափորոշիչների սահմանման և մի շարք այլ առանցքային ցուցանիշերի մշակման նախնական տարբերակները քննարկվեցին աշխատանքային խմբերում:
Հայաստանում եվրոպական փորձի կիրառմամբ ԳԱՑԱՇ-ի ստեղծումը կնպաստի մեր երկրում ներառական, թվային և կանաչ ուղղվածությամբ բարձրագույն կրթության պատշաճ իրականացմանը՝ բարեփոխելով ոչ միայն կրթական միջավայրը, այլև մշակելով հասարակական և սոցիալական պատասխանատվության, հանրության կարիքների գնահատման և բավարարման նոր մոտեցումներ՝ դրանով ևս մեկ անգամ բարձրագյուն կրթությունը և գիտությունը դարձնելով առավել զգայուն՝ հասարակությունից եկող ազդակների նկատմամբ և առավել կիրառելի՝ տարբեր ինստիտուտների կայուն զարգացման համար:
Հյուսիսային համալսարանի աշխատանքային խումբը մասնակցում էր Գերմանիայի Օլդենբուրգի Կառլ Ֆոն Օսիեցկի համալսարանում կայացած՝ «Ինստիտուցիոնալ հետազոտությունների ոլորտում բարձրագույն կրթության կառավարման, համալսարանի ռազմավարական պլանավորման, կառավարման և կրթության որակի բարելավման հնարավորությունները ներառական կրթության, թվայնացման և կանաչ անցման համատեքստում» վերապատրաստումների շարքին։
«Հայաստանում ներառական, թվային եւ կանաչ ուղղվածությամբ բարձրագույն կրթության պատշաճ կառավարման եւ որակի գործունեության առանցքային ցուցանիշների (ԳԱՑ) ազգային շրջանակի ստեղծում» (KPI4HE) ծրագրի համակարգողը Երևանի պետական համալսարանն է: Ծրագրի առաջնահերթություններից է բարձրագույն կրթության գործունեության առանցքային ցուցանիշների ազգային շրջանակի (ԳԱՑԱՇ) ստեղծումը, ԳԱՑԱՇ-ին աջակցող թվային հարթակի և ԳԱՑԱՇ-ին համապատասխան հաստատությունների հավատարմագրման վերանայված պետական չափանիշների ներդրումը, նաև՝ փորձի փոխանակումը, ցանցերի ստեղծումը և ներգրավված գործընկերների միջեւ երկարաժամկետ համագործակցության խթանումը, ինչը կնպաստի Հայաստանի բուհերի ինտեգրմանը եվրոպական բարձրագույն կրթական տարածքին և Հայաստանում ներառական, թվային և կանաչ ուղղվածությամբ բարձրագույն կրթության պատշաճ կազմակերպմանն ու իրականացմանը:
Ծրագրի առաջնահերթություններից է կրթության միջազգայնացման, ռազմավարական պլանավորման և որակի ապահովման գործընթացների արդյունավետ կազմակերպումը: Որպես բարձրագույն կրթության արդյունավետ կառավարման, համալսարանական կառավարման պրակտիկայի, ռազմավարական պլանավորման և ներառական, թվային եւ կանաչ բարձրագույն կրթության որակի ապահովման գործիք կարևորվում է նաև ազգային եւ ինստիտուցիոնալ վարչակազմի, որոշումներ կայացնողների, դասավանդողների եւ հետազոտողների կարողությունների զարգացումը:
Օլդենբուրգի համալսարանի կողմից որդեգրված չափորոշրչների ու դրանց իրականացման մեխանիզմների արդյունավետության վառ արտահայտությունն էին ուսանողների կողմից ստեղծված ստարտափերը, որոնք ապագա մասնագետներին ընձեռում էին կարողությունների, հմտությունների զարգացման, շրջակա միջավայրի կարիքները գնահատելու, կանաչ կենսակերպի պահանջներին համապատասխան գործողություններ իրականացնելու հնարավորություններ: Հյուսիսային համալսարանի, հայաստանյան առաջատար գիտակրթական հաստատությունների, Օլդենբուրգի, Ջենովայի և Դրեզդենի համալսարանների համագործակցությունը «Էրազմուս + KPI4HE» ծրագրի շրջանակում կխթանի Հայաստանում ներառական, թվային և կանաչ ուղղվածությամբ բարձրագույն կրթական համակարգի կայուն զարգացմանն ու առանցքային ցուցանիշների ամրապնդմանը:
Լրատվության և հասարակայնության հետ կապերի ուսումնապրակտիկ կենտրոն
Կրթական գործընթացների թափանցիկությունը և հասանելիությունը ուսանողների՝ բուհի հանդեպ վստահության կարևոր նախապայմանն է:
«DAAD Bologna Hub» ծրագրի՝ սեպտեմբերի 16-ին կայացած հանդիպման ընթացքում քննարկվեցին կրթության միջազգայնացմանը, գնահատմանը և որակի բարլավմանն առնչվող հարցեր: Կարևորելով կրթական գործընթացներում ուսանողների ներգրավվածության և ակտիվ մասնակցության անհրաժեշտությունը՝ փորձագետները նշեցին այն հիմնական սկզբունքները, որոց միջոցով հնարավոր կլինի ապահովել ինտերակտիվություն և ուսանողակենտրոն կրթական միջավայր:
Հյուսիսային համալսարանի ուսումնահետազոտական և միջազգայնացման գծով պրոռեկտոր Լուսինե Ֆլջյանը ներկայացրեց մեր բուհում ուսումնական գործընթացը ուսանողներին հասանելի դարձնելու, նրանց ձայնը լսելի դարձնելու, գնահատման նոր մեթոդների մշակման, կրթության միջազգայնացման և շարժունության ապահովման ուղղությամբ կատարվող աշխատանքները և այն նախաձեռնությունները, որոնք միտված են Հյուսիսային համալսարանում միջազգային չափորոշիչներին համապատասխան կրթական գործընթաց ապահովելուն:
Ֆեյսբուքյան հրաապարակման հղում
Լրատվության և հասարակայնության հետ կապերի ուսումնապրակտիկ կենտրոն
