Տեառնընդառաջի խորհուրդը բոլոր գիտեն, ուստի այստեղ զերծ կմնանք Վիքիպեդիային հղում անելուց: Նշենք միայն, որ Տրնդեզն ըստ էության խորհրդանշում է ձմռան հրաժեշտն ու գարնանամուտը, ուստի համալսարանի աշխատակազմը, հավատարիմ տոնի խորհրդին, ցնծությամբ հրաժեշտ տվեց ձմռանը՝ թեժ կրակի վրա այրելով բոլոր հոգսերն ու տագնապները, բացելով սիրտը գարնանային տարամադրությունների, սիրո ու ջերմության առաջ: Դե, բնականաբար, տոնի խորհուրդը ամբողջական դարձրեցին Տեառնընդառաջի տոնական կերակրատեսակները` փոխինձը, չամիչը, աղանձը, ընկույզը, որոնք հաճույքով վայելեցին Հյուսիսային համալսարանի աշխատակիցներն ու ուսանողները:
Նախաձեռնության ու կազմակերպչական աշխատանքների համար շնորհակալ ենք բանասիրության ու մանկավարժության ֆակուլտետին՝ դեկան Մերի Այվազյանի գլխավորությամբ:
