Հարգելի պարոն Մակիչյան

Ի սրտե շնորհավորում ենք Ձեզ ծննդյան օրվա առթիվ։ Անկախ բոլոր փորձություններից՝ մարդու ծնունդը մեծագույն պարգև ու ուրախություն է, իսկ ազնիվ մարդու ծնունդը՝ առավել ևս։ Մաղթում ենք ծով առողջություն, անսպառ եռանդ, հոգեկան խաղաղություն ու ներդաշնակություն՝ բոլոր դժվարությունները գեղեցկորեն հաղթահարելու համար։

Թող հետայսու ապրեք ու աշխատեք խաղաղ երկնքի տակ՝ շարունակելով այն պատվաբեր ու պատասխանատու աշխատանքը, որին լծվել եք կամքով ու եռանդով։ Եվ թող Ձեր բոլոր ձեռնարկները պսակվեն հաջողությամբ։ Դա կլինի բարու, լավի և ազնվության հաղթանակը։