logo-hy

  ՀՅՈՒՍԻՍԱՅԻՆ ՀԱՄԱԼՍԱՐԱՆ

                                        sep1           sep2

                      Սեպտեմբերի մեկին Հյուսիսային համալսարանը կընդունի առաջին կուրսեցիներին

Օգոստոսի 24-ին Հյուսիսային համալսարանում  տեղի ունեցավ խորհրդակցություն դեկանների և տարբեր ստորաբաժանումների ղեկավարների մասնակցությամբ: Ինչպես նշեց ռեկտոր Մհեր Մակիչյանը՝ խորհրդակցությունը շատ կարևոր է ու սպասված, քանի որ շոշափվող հարցերը հուզում են ոչ միայն բուհի աշխատակիցներին, այլև ուսանողությանը: «Արտակարգ դրությամբ պայմանավորված՝ բուհի աշխատակազմը մարտ ամսից ձեռնամուխ եղավ հեռավար ուսուցման կազմակերպմանը և հաջողությամբ հաղթահարեց ընթացիկ դժվարությունները: Մենք նույնքան բարեհաջող կերպով պետք է մեկնարկենք նաև 2020-2021 ուսումնական տարին՝ պահպանելով համավարակով պայմանավորված  անվտանգության բոլոր կանոնները, քանի որ մեր ուսանողների ու աշխատակիցների առողջությունը վեր է ամեն ինչից»,- հավելեց ռեկտորը:

Խորհրդակցության ընթացքում քննարկվեցին և լուծումներ ստացան  մի շարք հարցեր: Մասնավորապես, դասաժամերի տևողությունը սահմանվեց 60 րոպե: Դասամիջոցները կպահպանվեն նույնությամբ՝ 10-ական և 20-ական րոպեներով: Ուսանողները դասերին կմասնակցեն փոքր խմբերով և դիմակներով՝ պահպանելով սոցիալական հեռավորությունը: Այդ պատճառով մեծաթիվ ուսանողներով կուրսերը կբաժանվեն փոքր խմբերի:  Համալսարանի բոլոր լսարաններն ու ստորաբաժանումները պարբերաբար կախտահանվեն, յուրաքանչյուր ուսանող անմիջապես մուտքի մոտ կջերմաչափվի, ֆակուլտետ մտնելիս նույնպես, իսկ միջանցքներում կլինեն ախտահանման անհրաժեշտ պարագաներ: Ուսանողները ողջ օրվա ընթացքում կգտնվեն բուժքրոջ հսկողության ներքո և անհրաժեշտության դեպքում նրանց ցույց կտրվի բուժօգնություն: Որոշում ընդունվեց լսարանային դասերն անցկացնել շաբաթվա չորս օրը, իսկ որոշ առարկաների ուսուցումը, պայմանավորված դրանց առանձնահատկություններով, ընդամենը մեկ օր կազմակերպել հեռավար եղանակով:    ԿԳՄՍ նախարարի հրամանի համաձայն՝ սեպտեմբերի մեկից դասի կհաճախեն միայն բակալավրիատի առաջին կուրսի ուսանողներ, սեպտեմբերի 15-ից նաև բարձր կուրսեցիներն ու մագիստրատուրայի առկա ուսուցման սովորողները:  

Ռեկտոր Մհեր Մակիչյանը հավելեց նաև, որ դասերի շարունակականությունը մեծապես պայմանավորված է համաճարակային իրավիճակով և հույս հայտնեց, որ առաջիկայում ստիպված չեն լինի անցում կատարել հեռավար ուսուցման: Ուստի նա հորդորեց բոլորին՝ խստորեն հետևել անվտանգության կանոններին և մաղթեց առողջ ուսումնական տարի:

 Այնպես որ, առաջին կուրսի սիրելի ուսանողներ,  Հյուսիսային համալսարանը սեպտեմբերի մեկին իր հյուրընկալ դռները կբացի ձեր առաջ: Վստահ եղեք, որ այդ օրը ձեր կյանքում լինելու է  նորի սկիզբ, իսկ ուսումնառության հետագա տարիները՝ գիտելիքների ձեռքբերման, հաջողությունների ու վերելքի ժամանակաշրջան:

Լրատվության և հասարակայնության հետ կապերի բաժին

ggty

 

Նոր համագործակցության սկիզբ  Հյուսիսային համալսարանի և Ռուսաստանի Դաշնության Պետական հումանիտար-տեխնոլոգիական համալսարանի միջև

2020 թ. հուլիսին Հյուսիսային համալասարանի և Ռուսաստանի Դաշնության Պետական հումանիտար-տեխնոլոգիական համալսարանի միջև կնքվեց երկկողմանի համաձայանագիր: Համագործակցությունն ուղղված է խթանելու երկկողմ հարաբերությունները ակադեմիական և գիտական ոլորտներում: Ռուսաստանի Դաշնության Պետական հումանիտար-տեխնոլոգիական համալսարանը համարվում է ՌԴ հնագույն բուհերից մեկը և հիմնադրվել է 1940 թվականի մայիսի 7-ին:

Երկու բուհերի միջև կնքված համաձայնագրի շրջանակում Պետական հումանիտար-տեխնոլոգիական համալսարանը Հյուսիսային համալսարանի հետ իրականացնելու է կրկնակի դիպլոմով չորս բակալավրական կրթական ծրագիր:

Միջազգային գործընկերների շարքում Ռուսաստանի Դաշնության Պետական հումանիտար-տեխնոլոգիական համալսարանը առանձնահատուկ դեր ունի և նոր հեռանկարներ է բացում Հյուսիսային համալսարանի պրոֆեսորադասախոսական կազմի և ուսանողների համար:

Առաջիկայում  նախատեսվում է առավել ընդլայնել համագործակցության շրջանակը՝ նոր ոլորտներ ընդգրկելով:

Ռուսաստանի Դաշնության Պետական հումանիտար-տեխնոլոգիական համալսարանը /https://www.ggtu.ru/, որը համարվում է ՌԴ հնագույն բուհերից մեկը/ հիմնադրվել է 1940 թվականի մայիսի 7-ին/, երկու բուհերի միջև կնքված պայմանագրի շրջանակում Հյուսիսային համալսարանի հետ իրականացնելու է կրկնակի դիպլոմով չորս բակալավրական կրթական ծրագիր.

  1. 011201.01.6 Նախադպրոցական մանկավարժություն և մեթոդիկա /հեռակա/ - 2 տեղ
  2. 011301.01.6 Տարրական մանկավարժություն և մեթոդիկա /հեռակա/ - 2 տեղ
  3. 011401.20.6 Ռուսաց լեզու և գրականություն /առկա, հեռակա/ - 2 տեղ:
  4. 011401.06.6 Ինֆորմատիկա /հեռակա/ - 2 տեղ

Դիմորդները, որոնք ցանկանում են միաժամանակ սովորել Հյուսիսային համալսարանում և Պետական հումանիտար-տեխնոլոգիական համալսարանում / Մոսկվայի մարզ, Օրեխովո-Զուևո, պետք է հանձնեն ընդունելության առցանց հատուկ քննություններ՝ ՊՀՏՀ ընդունվելու համար, որոնց կնախապատրաստեն գործընկեր համալսարանի համապատասխան մասնագետները:

Ընդունելության քննությունները հաջողությամբ հանձնած դիմորդները կհրամանագրվեն միանգամից որպես երկու բուհի ուսանող: Ուսանողները կվճարեն միայն Հյուսիսային համալսարանի ուսման վարձավճարը, իսկ ՊՀՏՀ-ում կրթությունը կլինի անվճար՝ պետական բյուջեով ԱՊՀ երկրների քաղաքացիների համար հատկացված տեղերի հաշվին: Ուսուցումը ՌԴ բուհում կլինի հեռավար և դիմորդների համար կկազմվի անհատական պլան՝ երկու բուհերի կրթական ծրագրերի հիման վրա: Կրկնակի դիպլոմով սովորող ուսանողները հնարավորություն կունենան պրակտիկան անցնել Պետական հումանիտար-տեխնոլոգիական համալսարանում:

Դիմումները՝ կրկնակի դիպլոմով առկա ուսուցմամբ կրթական ծրագրով սովորելու համար, ընդունվում են մինչև ս.թ. օգոստոսի 5-ը, իսկ հեռակա ծրագրերով՝ մինչև ս.թ. օգոստոսի 19-ը:

Մանրամասների համար դիմել՝ Հյուսիսային համալսարանի ընդհանուր բաժին ՝ 010573317 հեռախոսահամարով կամ Արտաքին կապերի բաժնի Եվրոպական ծրագրերի պատասխանատու Անի Թամազյանին՝ էլեկտրոնային նամակ ուղարկելով interndep@ northern.am հասցեին:

erablur 

Եռաբլուրի բարձունքում բառերը համրացան: Այս օրերի տանջալից սպասումները, հոգեկան խռովքը, տագնապները, որն ապրեց մեզանից յուրաքանչյուրը, թվում էր՝ պիտի դուրս հորդեն հայրենիքի համար նահատակված Գարուշ Համբարձումյանի շիրմաթմբի  մոտ՝ թեթևություն բերելով մեզ և ուղղվելով հավերժության ճանապարհը բռնած մեր  մյուս  քաջորդիներին:   

Բայց բառեր չկային, քանի որ դրանք անզոր էին փարատելու այն մորմոքը, որն ապրում է  մայրը որդուն կորցնելիս, կինը՝ ամուսնու շիրմի մոտ ծնկաչոք հեկեկալիս, զավակը՝ հորը վերջին հրաժեշտը տալիս: Որևէ բառ չի կարող թեթևացնել նման վիշտը:

Եռաբլուրի բարձունքում՝ հայրենիքի համար նահատակված հայ քաջորդիների շիրիմների կողքով անցնելիս հասկացա մի ճշմարտություն՝ հայը զենք է վերցնում սիրուց՝ մայր հողի, հարազատի, մերձավորի հանդեպ ունեցած սիրուց, նրանց արժանապատվությունն ու կյանքը պաշտպանելու գիտակցումից դրդված: Նահանջի ճանապարհ չկա: Հայի ինքնությունից, հազարամյակների գենետիկ հիշողությունից հրաժարվելու, մկրատված հայրենիքի այս վերջին կտորը շան բերան տալու իրավունք չունենք: Խաղաղությամբ  ննջեք մեր հերոսներ, ձեր չկրակած փամփուշտներով մենք՝ ողջերս, կշարունակենք պաշտպանել արյունով մյուռոնված մեր հողը:

     Հյուսիսային համալսարանի պատվիրակությունն այսօր «Եռաբլուր» զինվորական պանթեոնում ծաղկեպսակ խոնարհեց  հայ-ադրբեջանական սահմանագոտու հյուսիսարևելյան հատվածում հակառակորդի արձակած կրակից զոհված մայոր Գարուշ Համբարձումյանի շիրիմին:

 

 

Լրատվության և հասարակայնության հետ կապերի բաժին

 

Հայտարարություններ

Ամբիոնների վարիչների թափուր հաստիքներ

23.10.2020
Ամբիոնների վարիչների թափուր հաստիքներ

  Հյուսիսային համալսարանը հայտարարում է մրցույթ հետևյալ ամբիոնների վա...

Աշխատանքի հրավեր

20.10.2020
Աշխատանքի հրավեր

Հարգելի ուսանողներ, <<Մոսկվայի տուն>> մշակութային-գործարար կենտրոնը...

Գլխավոր նորություններ