Մրցույթ՝ Erasmus+
Erasmus+ միջազգային շարժունության 1 տեղ՝ Հյուսիսային համալսարանի դասախոսների համար։
Լեհաստանի Ժեշովի համալսարանն իր խնայած միջոցների հաշվին Հյուսիսային համալսարանին տրամադրում է դասախոսի Erasmus+ միջազգային շարժունության 1 տեղ /Zero Gant/, որը հարկավոր է իրացնել ս.թ. ապրիլի 21-ից հունիսի 21-ն ընկած ժամանակահատվածում:
Շարժունության տևողությունը մեկ շաբաթ է:
Մասնակցության համար հարկավոր է ներկայացնել նամակ-նպատակ, ինքնակենսագրություն, անգլերենի իմացության մակարդակը վկայող փաստաթուղթ /առկայության դեպքում/, ինչպես նաև Ժեշովի համալսարանի դասախոսի համաձայնություն այն մասին, որ այդ օրերին կհյուրընկալի Հյուսիսային համալսարանի դասախոսին՝ հնարավորություն ընձեռելով անցկացնել դասախոսությունները:
Հարգելի գործընկերներ, հետաքրքրության դեպքում խնդրում ենք պահանջվող փաստաթղթերը մինչև ս.թ. փետրվարի 23-ն ուղարկել Հյուսիսային համալսարանի Մարդկային ռեսուրսների կառավարման բաժնի պետ Սյուզաննա Սարգսյանին՝Этот адрес электронной почты защищён от спам-ботов. У вас должен быть включен JavaScript для просмотра. հասցեով:
Մրցույթը կանցկացվի հետբուհական կրթության «VERITAS» լսարանում ս.թ. փետրվարի 25-ին, ժամը 11-ին:
