logo-ru

  СЕВЕРНЫЙ УНИВЕРСИТЕТ

tamazyan

 Հյուսիսային համալսարանի  արտաքին կապերի բաժինը տարեցտարի ընդլայնում է միջազգային համագործակցությունների շրջանակը։ 2020 թ․ հունվարին կնքվեց ևս մեկ  միջինստիտուցիոնալ համագործակցության պայմանագիր մեր բուհի և Աշխատանքի և սոցիալական հարաբերությունների  ղազախական ակադեմիայի միջև։ Այդ գործընկերության շրջանակներում էլ մայիսի 4-ին տեղի ունեցավ առաջին հեռավար հանդիպումը, որի ընթացքում դասախոս Անի Թամազյանը դասախոսություն կարդաց Աշխատանքի և սոցիալական հարաբերությունների  ղազախական ակադեմիայի միջազգային հարաբերությունների ֆակուլտետի ուսանողների, պրոֆեսորադասախոսական անձնակազմի համար «Դիվանագիտական անգլերեն» թեմայով։ Առցանց հանդիպմանը ներկա էին նաև Ֆրանսիայի հյուպատոսությունից ներկայացուցիչներ, որոնք ևս ակտիվ մասնակցություն ունեցան հեռավար դասախոսությանը։ Ա․ Թամազյանը սահիկահանդեսի միջոցով տեսական և գործնական գիտելիքներ հաղորդեց միջազգային հարաբերությունների մասնագետի կողմից  ճիշտ ընտրված բառերի և քերականական միջոցների կիրառման, դիվանագիտական տերմինների  գործածության և դիվանագիտական լեզվի  կիրառման ոլորտների վերաբերյալ։ Ինչպես նշեց Ա․ Թամազյանը՝ հեռավար դասախոսությունները կրելու են շարունակական բնույթ։

                                                                                                                                                                                                                                           Հյուսիսային համալսարանի արտաքին կապերի բաժին

aniheravar

COVID-19-ը բացարձակ խոչընդոտ չէ նոր միջազգային կապեր հաստատելու, գիտելիքի գեներացման և միջմշակութային արդյունավետ հաղորդակցման համար:
Ապրիլի 30-ին տեղի ունեցավ Հյուսիսային համալսարանի Մասնագիտական մանկավարժություն (անգլերեն լեզու և գրականություն) բաժնի ուսանողների, անգլերենի դասախոսների և վարչակազմի ներկայացուցիչների հանդիպումը ԱՄՆ Հյուսիսային Կարոլինայի համալսարանի դասախոս Ալեքս Լոուրիի հետ:
Ալեքս Լոուրին ինտերակտիվ մեթոդների (հարցումների, գործնական առաջադրանքների) միջոցով կարողացավ մասնակիցներին ներգրավել անգլերենի ակադեմիական գրագրության առանձնահատկություններին նվիրված դասին, հնարավորություն տվեց ուսանողներին հղել իրենց հուզող հարցերը տարբեր գրավոր առաջադրանքներ կատարելու վերաբերյալ: Ալեքս Լոուրին անդրադարձավ նաև ակադեմիական գրագրության մեջ կարևոր ոճերի ճիշտ օգտագործման, նյութերի պատրաստման և բոլորի հետ շրջանառման արդյունավետ գործիքների կիրառման հարցերին:
Պայմանավորվածություն ձեռք բերվեց հաջորդ բանաժողով-առցանց դասը նվիրել Ամերիկյան հոգեբանական ասոցիացիայի ոճի առանձնահատկություններին (APA style), որը լայնորեն կիրառվում է ակադեմիական, գիտական գրագրության մեջ:
Շնորհակալություն ենք հայտնում Հյուսիսային համալսարանի Եվրոպական ծրագրերի պատասխանատու Անի Թամազյանին՝ միջազգային համագործակցության ընդլայնման նպատակով նոր հնարավորությունների որոնման և դրանք կոնկրետ աշխատանքային ծրագրերի վերածելու համար:

 

Լ Ֆլջյան

Հյուսիսային համալսարանի ուսումնահետազոտական և բարեփոխումների գծով պրոռեկտոր

tumalaverdi

Հեռավար ուսուցման zooom հարթակում այսօր՝ մայիսի մեկին, Հյուսիսային համալսարանի Ալավերդու «Թումանյան» բաժանմունքի տարբեր ֆակուլտետների և բժշկական քոլեջի ուսանողներն էին՝ յուրօրինակ բաց դասով։ Դասախոս Շուշան Սիմոնյանի ղեկավարությամբ նրանք հանդես եկան շատ հետաքրքիր նախաձեռնությամբ՝ կազմակերպելով գրական-երաժշտական կոմպոզիցիա՝ Թումանյանի, Իսահակյանի, Ստ․ Զորյանի, Չեխովի և այլ մեծերի «մասնակցությամբ»։ Բաց դասը, թերևս, zoom հարթակի հնարավորությունները  ստեղծագործաբար օգտագործելու լավագույն օրինակներից էր։ Ասմունք, երգ, դաշնամուրային երաժշտություն՝ հայերեն, անգլերեն և ռուսերեն լեզուներով։ Հետաքրքիր էր նաև դասի թեման՝ կորոնավիրուսը ճանաչված հայ և այլազգի գրողների աչքերով, նրանց ստեղծագործությունների նորովի մեկնաբանություններով։ Յուրաքանչյուր ստեղծագործություն ուսանողների կողմից վերաիմաստավորվել էր, դրանց հաղորդվել նոր իմաստ ու բովանդակություն՝ կապվելով մեր օրերի այս սոսկալի վարակի հետ։ Ասես մարգարեանալով՝ բոլոր մեծերը կանխատեսել էին, որ հոգևոր արժեքների ոտնահարումը, խղճի օրենքները արհամարհելը վերջիվերջո հանգեցնելու է մեծ աղետի, որն այս դեպքում բոլորիս տանը գամած կորոնավիրուսն է։ Եվ մի՞թե չի եկել Իսահակյանի կանխատեսած ոգու սովը, հարցնում են ուսանողները՝ միաժամանակ հավատարիմ մնում Թումանյանի լավատեսությանը՝ Ու պիտի գա հանուր կյանքի արշալույսը վառ հագած․․․

Մի խոսքով, հետաքրքիր, ուսանելի, յուրահատուկ բաց դաս, որի համար շնորհակալ ենք դասախոս Շուշան Սիմոնյանի ստեղծագործական մոտեցմանն ու ուսանողների բարեխիղճ աշխատանքին։ Ինչպես իր շնորհակալական խոսքում նշեց բաժանմունքի ղեկավար Ա․ Մակիչյանը՝ ուսանողներին հաջողվեց կարճ ժամանակահատվածում դասի մասնակիցներին փոխանցել հույս, լավատեսություն և համոզմունք, որ ցանկության դեպքում հնարավոր է գերազանց արդյունքների հասնել։ Իսկ հայոց լեզվի դասախոս Լ․ Կարապետյանը բաց դասը բնորոշեց իբրև Ալավերդու «Թումանյան» բաժանմունքի աշխատանքի հայելին։

Հ․Գ․ Հավելենք նաև, որ արտակարգ դրությամբ պայմանավորած՝ Հյուսիսային համալսարանի Ալավերդու «Թումանյան» բաժանմունքը նույնպես սկսեց դասերը կազմակերպել հեռավար ուսուցմամբ՝ օգտագործելով հասանելի բոլոր հարթակները։ Կարճ ժամանակահատվածում սկզբնական շրջանի դժվարությունները նահանջեցին, և ներկայումս դասախոսական կազմն ու ուսանողները  հմտորեն ու ստեղծագործաբար օգտվում են առցանց ուսուցման հնարավորություններից, ինչի վկայությունն այսօրվա բովանդակալից դասն էր։

 

Հյուսիսային համալսարանի լրատվության և հասարակայնության հետ կապերի բաժին

Հայտարարություններ

Հայտարարություն ուսանողների համար ստուգարքները և քննությունները վերահանձնելու մասին

07.09.2020
Հայտարարություն ուսանողների համար ստուգարքները և քննությունները վերահանձնելու մասին

Հարգելի ուսանողներ, 2019-2020 ուսումնական տարվա II կիսամյակի ստուգարքների և քնն...

Մրցույթ ՏՏ մասնագետի թափուր պաշտոնի համար

12.08.2020
Մրցույթ ՏՏ մասնագետի  թափուր  պաշտոնի համար

Հյուսիսային համալսարանը հայտարարում է մրցույթ ՏՏ մասնագետի  թափուր &n...

Главные новости